Rrahmani: S’është diskutuar fare për zgjedhje brenda deputetëve të Vetëvendosjes

Deputeti i LVV-së, Eman Rrahmani, ka theksuar se brenda partisë së tij nuk ka pasur diskutime për zgjedhje të parakohshme, duke shtuar se asnjë vendim nuk është marrë në këtë drejtim brenda grupit parlamentar

Deputeti i Lëvizjes Vetëvendosje (LVV), Eman Rrahmani, ka deklaruar se nuk është diskutuar fare për zgjedhje të parakohshme me deputetët e VV-së, pasi fillimisht është kërkuar koordinim dhe qëndrime të përbashkëta me subjektet e tjera opozitare.

Rrahmani ka theksuar se nuk është marrë asnjë vendim apo qëndrim për këtë çështje brenda Grupit Parlamentar të LVV-së.

“Sa i përket zgjedhjeve të parakohshme, nuk është diskutuar më deputetët e VV-së fare kjo çështje, për shkak se është deklaruar se fillimisht duhet me pas koordinim apo qëndrime të njëjta edhe subjektet tjera opozitare. Por në kuadër të Lëvizjes Vetëvendosje, domethënë në aspektin e Grupit Parlamentar nuk është diskutuar dhe nuk është marrë asnjë vendim asnjë qëndrim për këtë çështje”, ka thënë ai në “Debat Plus”.

Në lidhje me kërkesën e PDK-së për zgjedhje në korrik, ai u shpreh se nuk e konsideron të arsyeshme që LVV-ja të shkojë në zgjedhje vetëm sepse këtë e kërkon PDK-ja.

Sipas tij, një kërkesë e tillë duhet të mbështetet në një kauzë të qartë dhe të arsyetuar, siç mund të jenë çështjet e KiE-së, të Asociacionit apo ndonjë interes tjetër nacional.

“Mënyrën qysh ka kërkuar PDK-ja zgjedhje nuk më është dukur e arsyeshme pse VV-ja duhet të shkojë në zgjedhje pse po kërkon PDK-ja, nëse do të ishte një kauzë edhe do të ishte arsyetuar,  për shkak të KiE , Asociacionit apo çfarëdo lloj interesi tjetër nacional do ishte si argument patjetër që po”, ka deklaruar Rrahmani.

 

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika