Rrëfimi i burrit me kamerë në luftën e Kosovës

Për herë të parë në një televizion kosovar ka folur kameramani, Bali Thaçi, i cili kishte dokumentuar masakrimet dhe mizoritë e regjimit të Millosheviqit në luftën e fundit në Kosovë

Pamje nga videoincizimet

Kjo është vetëm një nga dhjetëra minutat e pamjeve që syri i kamerës së Bali Thaçit kapi gjatë luftës së fundit në Kosovë.

Aty miku i tij hasi në trupin e vrarë të vëllait nga ushtria Millosheviqit.

E dokumentoi masakrën e Burimit të Malishevës, xhiroi djepa bosh e lot të nënave.

Gjatë kohës së luftës në Kosovë, kamera e tij personale kapi shumë detaje të mizorisë serbe, e tash ndërmjet kamerës së Dukagjinit ai rrëfen këto përjetime.

“Historia dokumentohet me dokumente dhe duke e ditë këtë rëndësi jam munduar që në këtë kujtesën tonë kolektive të lë një gjurmë, të lë diçka konkrete që gjeneratat që vinë pas, të shohin, të dinë dhe të dëgjojnë për atë se çfarë ka ndodhur”, ka thënë Thaqi.

Bali Thaqi

Pos pamjeve tejet të tmerrshme të njerëzve të masakruar nga serbët, ai rastësisht kishte xhiruar xhaxhain e tij të vrarë, të cilin fillimisht nuk e kishte njohur nga masakrimet.

“Ajo për mua ka qenë shumë e rëndë dhe ka ndiku në aspektin psikologjik timin personal që sot ndodha nuk vërehet por çdo moment kur e kujtoj atë ngjarje, trupi nuk është në gjendje normale”, ka shtuar ai.

Kamera e tij ishte rrezikuar edhe të dëmtohej e Thaçi e ka të kthjellët këtë moment në kujtesën e tij.

“Për me i ik zjarri të luftës, kamerën e kam lënë tek dajt e nënës në një qosh e kam mbulu me një bore metalike që edhe me ra zjarri mos me u dëmtu kamera dhe pasi që familjet i depertuan në Shqipëri, unë u ktheva te shtëpia e dajës dhe serbët sa  ishin larguar nga fshati dhe kam vrapuar tek kamera pastaj e morra dhe e xhirova shtëpinë e dajës duke u kallë”, është shprehur ai.

Këto videoincizime që i ka Bali Thaçi nuk janë kërkuar asnjëherë nga drejtësia vendore apo ajo ndërkombëtare.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika