Rrëfimi se si garuesi kosovar humbi jetën pas kërcimit nga Ura e Mostarit në Bosnje

"Në 88-tën kemi pasur një fatkeqësi, shoku im i ngushtë Besim Mulliqi që u flijua për garë të Kosovës sepse ishim vetëm tre veta shqiptar, me kërcimin e tij fenomenal e theu kurrizin nga Ura e Monstarit dhe pas një jave vdiq"

“I pëlciti kurrizi”, rrëfimi se si garuesi kosovar humbi jetën pas kërcimit nga Ura e Mostarit

Në Gjakovë të dielën u mbajt gara e kërcimeve nga Ura e Fshejtë, garë kjo tashmë tradicionale për këtë komunë që organizoi edicionin e 73-të të saj.

Adrenalina e madhe është ajo me të cilën karakterizohet kjo garë, por edhe rreziku i pjesëmarrjes në të është mjaft i madh.

Në mesin e tre anëtarëve të jurisë që vlerësonin garuesit, ishte edhe ish-garuesi dhe kërcimtari nga Ura e Fshejtë, Sokol Haliti, i cili ishte kampion i kësaj gare, por edhe nënkampion i kërcimeve nga Ura e Monstarit në Bosnjë e Hercegovinë.

Por, pikërisht nga ura e Monstarit, Hoti ka kujtime të hidhura pasi në vitin 1988 aty humbi jetën shoku i tij i ngushtë Besim Mulliqi pas kërcimit nga 30 metra lartësi.

Sokol Haliti

Hoti: Mulliqi u flijua për Kosovën

“Kam qenë kampion këtu nga Ura e Fshejtë dhe nga Ura e Monstarit nënkampion. Në vitin 1987 kamë kërcyer dhe në vitin 1988. Në 88-tën kemi pasur një fatkeqësi, shoku im i ngushtë Besim Mulliqi që u flijua për garë të Kosovës sepse ishim vetëm tre veta shqiptarë, me kërcimin e tij fenomenal e theu kurrizin nga Ura e Monstarit dhe pas një jave vdiq. Aty më ka mbetur trauma prej vitit 1988 sepse ka qenë kampion dhe kërcimtar i mirë dhe i shkëlqyeshëm.”, tha Hoti.

Ai tregon për KosovaPress se deri te ngjarja tragjike erdhi për shkak të lartësisë së madhe dhe shtypjes së lartë të ujit që i shkaktoi pëlcitjen e kurrizit Besim Mulliqit.

Hoti: Nga shtypja e ujit, Mulliqit i ka pëlcitur kurrizi

“Besimi 20-vjeçar ka qenë. Kjo ka mundur të më ndodhë edhe mua, çdokujt mund t’i ndodhte sepse me të vërtetë është sport shumë i rrezikshëm, koncentrimi, por hyrja në ujë kur është bërë, lartësia e madhe 30 metra nga Ura e Monstarit, këtu në qafë nga shtypja e ujit i ka pëlcitur kurrizi. Menjëherë nuk ka mundur t’i lëvizë as këmbët e as duart. Por, çfarë më ka mbetur në mendje, kur e kanë nxjerrë nga uji në Monstar, zhytësit nuk e kanë nxjerrë siç duhet, aty e kanë lënduar edhe më shumë. Shumë goditje e thellë, e dhimbshme për ne dhe familjen e tij.”, theksoi Hoti.

Hoti shton se frika se diçka e tillë mund të ndodhë edhe në kërcimet nga Ura e Fshejtë, i përcjellë nga vitit në vit kur nisin përgatitet për organizimin e kësaj gare./KSP/

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika