Një person është rrëmbyer gjatë orëve të mbrëmjes në Prishtinë të dielën e 12 nëntorit.
Sipas njoftimit të Policisë së Kosovës, disa persona e kanë futur dhunshëm një person në veturën e tyre dhe të njëjtit janë larguar në drejtim të panjohur.
Ndërkohë që njësitet policore edhe pse kanë kryer patrullime në afërsi të lokacionit, ata nuk kanë hasur në veturën me të cilën dyshohet se është kryer rrëmbimi.
“Ankuesi mashkull kosovar ka raportuar se kishte vërejtur disa persona të dyshuar duke futur dhunshëm një person në veturën e tyre dhe të njëjtit ishin larguar në drejtim të panjohur. Njësitë policore kanë kryer patrullime në afërsi të lokacionit por nuk kanë hasur në veturën e dyshuar. Me vendim të prokurorit rasti është cilësuar si më lartë dhe vazhdon të hetohet”, thuhet në raportin policor.
Rasti me vendim të prokurorit është cilësuar si “rrëmbim” dhe vazhdon të hetohet tutje.