Zëdhënësi i Policisë së Kosovës, Baki Kelani, ka bërë të ditur se Policia është në koordinimin me KFOR-in, në lidhje rrëmbimin e tre zyrtarëve policorë të Kosovës nga njësiti special policor i Serbisë.
Ai tha se KFOR-i është duke i kryer të gjitha ekzaminimet në lidhje me këtë rast.
“Informacione të kësaj natyre ka pasur të shfaqura në baza ditore, qofshin përmes zyrtarëve policorë të xhandarmerisë serbe, përfshi helikopterë dhe mjete të ndryshme që Serbia ka përdorur dhe shpesh duke i futur edhe brenda Kosovës. KFOR-i është njoftuar, jemi duke i koordinuar të gjitha aktivitetet me ta, janë duke kryer ekzaminimet”, ka thënë ai.
Tutje, Kelani tha se përveç KFOR-it janë njoftuar edhe të gjithë mekanizmat ndërkombëtarë që t’i bëhet trysni Serbisë për lirimin e policëve.