Një person ka rrezikuar zyrtarët policorë teksa është larguar vrullshëm pas kontrollit të veturës së tij.
Rasti raportohet të ketë ndodhur të mërkurën e tetë nëntorit, në Leposaviq.
Gjatë kontrollimit të veturës, policia ka hasur në 11 persona migrantë dhe teksa ata kanë zbritur nga vetura, i dyshuari (shoferi), është larguar nga vendi i ngjarjes.
Policia, për ta ndaluar sulmin, ka shtënë me armë zjarri në drejtim të të dyshuarit.
Në vendin e ngjarjes janë gjetur dhe konfiskuar 11 gëzhoja.
“Policia ka ndaluar të dyshuarin mashkull kosovar, ku gjatë kontrollit në veturë i janë hasur 11 persona migrantë, po i njëjti pasi i ka zbritur migrantët me veturën e tij është larguar vrullshëm me ç’rast i ka rrezikuar zyrtarët policorë, të cilët për ta ndaluar sulmin kanë shtënë me armë zjarri në drejtim të dyshuarit. Në vendin e ngjarjes si prova materiale janë gjetur dhe konfiskuar 11 gëzhoja”, thuhet në raportin 24-orësh të Policisë së Kosovës.
Rasti në procedurë hetimore nga të gjitha njësitet relevante.