Eksperti i rrjeteve sociale, Kujtim Zebica, ka thënë se aplikacioni TikTok keqpërdor në masë të madhe të dhënat e përdoruesve.
Ai në emisionin “Rreth e Rrotull”, ka thënë se këtij aplikacioni duhet t’i vendosen disa barriera. Zebica u shpreh se shteti duhet të marrë vendimet e duhura sa i përket kësaj çështjeje.
“Jemi koshientë që është prej aplikacioneve më të përdorura dhe që keqpërdoret më së shumti, të dhënat personale, temat dhe mënyrat si përdoret. Duke i përcjellë trendet dhe duke qenë pjesë e marketingut online, mendoj që TikTok-ut duhet t’i vendosen disa barriera. Për arsye se shumë aspekte të mbrojtjes së të dhënave, efektet sociale e psikologjike, mendoj që e ka tejkalu atë se për çka janë rrjetet sociale. Mendoj që jemi në një fazë që duhet shumë seriozisht si shoqëri dhe si shtet të merremi dhe të marrim vendimet e duhura”, ka thënë ai.