Rrëzohet kërkesa e mbrojtjes së Selimit për përjashtim të disa pjesëve të procesverbalit të 19 prillit

“Trupi gjykues e shqyrtoi kërkesën dhe nuk mendon se ka raste ligjore, të parashikuar me ligje apo në rregullore që t’i japë të drejtë trupit gjykues të heqin nga procesverbali pjesë të caktuara për të cilat nuk pajtohet mbrojtja”, tha gjykatësi Charles Smith III

Ish-luftëtari i UÇK-së, Rexhep Selimi

Gjykatësi Charles Smith III, në gjykimin ndaj Hashim Thaçit, Kadri Veselit, Jakup Krasniqit dhe Rexhep Selimit, në seancën e së mërkurës, ka rrëzuar kërkesën e mbrojtjes së Selimit, lidhur me përjashtimin e disa pjesëve të procesverbalit gjatë seancës së 19 prillit 2023.

“Në fund të seancës së 19 prill 2023, mbrojtja e Z.Selimi kërkoi të përjashtoheshin disa pjesë të procesverbalit në faqen 3230 dhe ky është transkripti zyrtar dhe këtë e bëri para se të paraqiste kundërshtimin”, tha paraprakisht gjykatësi Smith, shkruan BetimipërDrejtësi.

Ai fillimisht tha se gjatë dëshmisë së dëshmitarit 265, mbrojtja e Selimit paraqiti një kundërshtim për dëshminë, ku kinse lidhet Selimi me një incident të caktuar dhe se baza mbi kundërshtimin e mbrojtjes është se dëshmia e propozuar për këtë dëshmitar, për këtë incident, u përjashtua me urdhër gojor të trupit gjykues më 17 prill 2023.

“Trupi gjykues e shqyrtoi kërkesën dhe nuk mendon se ka raste ligjore, të parashikuar me ligje apo në rregullore që t’i japë të drejtë trupit gjykues të heqin nga procesverbali pjesë të caktuara për të cilat nuk pajtohet mbrojtja”, tha ai.

Andaj, gjykatësi Smith tha se për çdo rast dëshmia që është dhënë do të gjykohet në mënyrë të përshtatshme, andaj edhe kërkesa e Selimit është rrëzuar.

Ndryshe, në fillim të seancës është bërë një ndryshim në procesverbal, sa i përket një prove materiale e cila është duplikuar, andaj dy dokumentet kanë mbetur nën numrin e njëjtë të provës.

Po ashtu, është kërkuar nga ana e ZPS-së që të sqarojë gjatë ditës së sotme se për cilën provë materiale bëhet fjalë në mocionin e tyre për pranimin e deklaratave të të akuzuarve, ku thuhet se do të përdorin provën materiale me numër 14, një intervistë e Thaçit me ZPS-në në janar të 2020-së, pasi, sipas gjykatësit Smith, ‘‘trupi gjykues nuk është i sigurt se për cilën provë materiale bëhet fjalë’’.

Kurse, i njëjti ka treguar se do të ketë ndryshim në caktimin e seancave për muajin shtator dhe tetor, duke thënë se nuk do të mbahet seancat e 2, 3, 4 dhe 5 tetorit, por do të mbahen seanca më 25, 26 dhe 27 shtator 2023.

Ndryshe, gjatë seancës së sotme ka filluar dhënien e dëshmisë dëshmitari i katërt i mbrojtur i prokurorisë, me ç’rast seanca ka kaluar në sesion privat.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika