Rritja e çmimeve ka ndikuar në ngadalësimin ekonomik botëror, por jo të gjigantit amerikan të pijeve të gazuar, Coca-Cola, pasi është rapotuar se të ardhurat në tremujorin e tretë kanë shënuar rritje dyshifrore.
Në tregun botëror të pijeve të gazuara Coca-Cola dhe PepsiCo, nuk ka pasur konkurrencë serioze, prandaj i kanë rritur çmimet këtë vit.
Sipas Coca-Cola-s, çmimet e produkteve të saj janë rritur për 12 për qind, kurse shitjet e koncentratit për katër për qind, në tremujorin e tretë të këtij vitit.
Ndërsa, aksionet janë rritur për shtatë për qind në 65 centë. Kur përjashtohen ndryshimet e monedhës, ajo u rrit 14 për qind në 69 centë. Në Coca-Cola, ata presin që të ardhurat e tyre të rriten nga 14 deri në 15 për qind këtë vit, pasi të përjashtohet ndikimi i dollarit më të fortë. Deri më tani, ata prisnin rritje nga 12 deri në 13 për qind.