Një protestë me lëvizje të ngadaltë, e organizuar nga Organizata e Operatorëve të Transportit Rrugor Evropian (OTRE), po zhvillohet në unazën e Parisit, ku transportuesit po kërkojnë ndërhyrje urgjente nga qeveria për përballimin e rritjes së çmimeve të karburantit.
Sipas raportimeve të mediave vendase, protesta nuk përbën bllokadë të plotë të trafikut, por synon të ushtrojë presion ndaj autoriteteve për të siguruar mbështetje direkte dhe masa më të qarta në sektorin e karburanteve.
Kjo lëvizje vjen pas dështimit të negociatave mes përfaqësuesve të sektorit dhe ministrave përkatës. OTRE ka theksuar se masat aktuale janë të pamjaftueshme për kompanitë e transportit rrugor, të cilat po përballen me fitime gjithnjë e më të ulëta për shkak të kostove në rritje.
Protesta të ngjashme pritet të organizohen edhe në ditët në vijim, si në Paris ashtu edhe në qytete të tjera të Francës, ndërsa operatorët paralajmërojnë për pasoja të mëtejshme nëse nuk ndërmerren masa konkrete për mbështetjen e sektorit.