Qeveria e Kosovës ka deklaruar se rritja e pagës minimale në 350 euro bruto në muaj synon eliminimin e dallimeve diskriminuese.
Sipas Qeverisë, paga minimale e re do të jetë e barabartë për të gjithë punonjësit, pavarësisht moshës së tyre.
“Përveç rritjes së pagës minimale, janë larguar edhe dallimet diskriminuese që ekzistonin më parë ku paga minimale ndryshonte sipas grupmoshës, ku të punësuarit deri 35 vjeç pranonin 130 euro, ndërsa ata mbi 35 vjeç pranonin 170 euro respektivisht. Me rritjen e re, paga minimale do të jetë e njëjtë për të gjithë punonjësit, pa marrë parasysh moshën e tyre”, thuhet në njoftim.
Paga e re minimale është vendosur në nivelin 2 euro për orë pune e ku për punë me orar të rregullt, paga minimale bëhet 350 euro në muaj.
Ky ndryshim do të hyjë në fuqi më 1 tetor.