Pushteti ka vazhduar me kritika ndaj Prokurorisë Speciale të Kosovës. Kësaj here deputeti i VV-së, Adnan Rrustemi, tha se këta prokurorë ia kanë hequr fletarrestin Millan Radoiçiqit.
“Kur ministrja e Drejtësisë përmend Serbinë, Prokuroria Speciale e thërret në intervistim kinse ata janë të interesuar të luftojnë Serbinë në Kosovë. Po mendojnë se kemi harruar që janë të njëjtit që i hoqën fletarrestin Radojçiqit pak ditë para se VV të formonte Qeverinë e re. Thanë e kanë bërë për arsye strategjike, paramendojeni”, tha ai.
Sipas deputetit Rrustemi, Prokuroria nuk po e lufton Serbinë, por VV-në.
“Qartazi derti nuk është Serbia, por VV-ja. Të njëjtin dert e kanë pasur edhe sa kemi qenë në opozitë. Të mos harrojmë që VV-në janë përpjekur ta quajnë terroriste”, u shpreh ai.