Me rastin e ndërrimit të motmoteve dhe hyrjes në Vitin e Ri 2026, RTV Dukagjini u përcjell urimet më të përzemërta të gjithë qytetarëve të Republikës së Kosovës, duke iu dëshiruar shëndet të mirë, paqe dhe mbarësi në familjet e tyre.
Ekipi i RTV Dukagjinit shpreh mirënjohje të veçantë për besimin e vazhdueshëm të lexuesve gjatë gjithë vitit 2025, mbështetje që na ka motivuar të qëndrojmë të përkushtuar ndaj informimit të drejtë, profesional dhe të paanshëm.
Edhe gjatë vitit 2026, RTV Dukagjini do të vazhdojë të jetë pranë qytetarëve me lajme të sakta, analiza të balancuara dhe përmbajtje cilësore, në shërbim të interesit publik.
RTV Dukagjini uron që viti i ri të sjellë më shumë shpresë, stabilitet dhe suksese për të gjithë qytetarët e Republikës së Kosovës, kudo që ndodhen.
Gëzuar Vitin e Ri 2026!