Një vit pas vrasjes së Liridona Ademajt, drejtësia ende nuk ka hedhur dritë mbi këtë rast tragjik, pasi Prokuroria Themelore e Prishtinës nuk ka ngritur aktakuzë ndaj të dyshuarve.
Ish-hetuesi policor dhe avokati, Naim Rudari, ka cilësuar këtë krim si një nga më të rëndët dhe më të paarsyeshmit në Kosovë, duke e përshkruar si një akt të kryer me gjakftohtësi dhe motive materiale.
Një vit nga vrasja e Liridona Ademajt, prokuroria ende pa aktakuzë
“Rasti i Liridona Ademajt për mua personalisht është njëri ndër krimet më të rënda që kanë ndodhur tani, burri vret gruan sepse asnjë vrasje nuk është e arsyeshme.
Vrasje ndodh gjithmonë me një arsye, ndodh në gjende të tronditjes së mendore, pas një nervoze, por të ndodh vrasje me gjakftohtësi. Ta merr bashkëshorten, të dal për të drekur, ta ftojë ekzekutorin, vrasësin e nënës së fëmijëve të vet dhe të qëndrojë në të njëjtë kafiteri e ta inskenojë kinse po ndodh një grabitje dhe të ketë kohë të mjaftueshëm për të menduar, e që un mendoj që motivi i kësaj vrasje është ana materiale.
Unë e them se jo se kam njohur, por se nga ky rast nuk nxirret diçka tjetër përveç çështjes materiale. Pra interesi material”, ka thënë Rudari në Debat Plus.