Berat Rukiqi nga Lidhja Demokratike e Kosovës (LDK) ka thënë se kryeministri i vendit, Albin Kurti, manipulon, sipas tij, duke shtrembëruar realitetin e performancës së dobët në ekonomi.
Rukiqi ka thënë se Kurti e ka bërë këtë në një intervistë në “Bloomberg”.
“Duke qenë i vetëdijshëm për përkëqësimin e indikatorëve ekonomikë (rritja ekonomike nën mesatarën e viteve të pas shpalljes së pavarësisë, çmimet e larta, rritja e varfërisë, ulja e eksporteve, miliona euro dëme nga sanksionet, etj), në vitin 2022 dhë 2023, në dy vitet e plota të (mos) qeverisjes së tij, kryeminstri i vendit del dhe manipulon publikisht në kanalin prestigjioz ‘Bloomberg’, duke shtrëmbëruar realitetin e performancës së dobët të ekonomisë, duke ”zbuluar” indikatorë ekonomikë që nuk i njeh as teoria e as praktika”, ka shkruar Rukiqi.
Sipas Rukiqit, rritja ekonomike reale është krahasim i një viti me vitin bazë, e jo “akumulim i % të viteve të ndryshme, e as mesatare e viteve qe na konvenojnë, për të dalë rezultate më të mira”.