Rusët marrin nën kontroll fabrikën e çelikut ‘Azovstal’ në Mariupol

Ushtria ruse ka marr kontrollin e fabrikës së çelikut, Azovstal në Mariupol, grupi i fundit i ushtarëve ukrainas tani është dorëzuar, sipas ministrit rus të mbrojtjes

Grupi i fundit i ushtarëve ukrainas të ngujuar në punimet e shkatërruara të çelikut Azovstal është dorëzuar, këtë e ka bërë të ditur ministria ruse e mbrojtjes, të premten në mbrëmje.

Kështu, duke shënuar fundin e rrethimit tre-mujor të bastionit të fundit të mbrojtësve në Mariupol.

“Strukturat nëntokësore të Azovstal ku fshiheshin militantët janë tani nën kontrollin e plotë të forcave të armatosura ruse”, ka thënë ministria në një deklaratë, duke shtuar se në total 2,439 luftëtarë ukrainas janë dorëzuar, raporton The Guardian, transmeton Portali D.

Ministri i Mbrojtjes, Sergei Shoigu, i ka thënë presidentit Vladimir Putin se si Mariupol ashtu edhe fabrika e çelikut janë “çliruar plotësisht”, thuhet në deklaratë.

Kanalet telegrame pro-Kremlinit kanë publikuar gjithashtu një video me Sergei Volynsky, komandantin e njësisë së Brigadës së 36-të Detare, në të cilën ai ka thënë se njësia e tij është dorëzuar. Njësia ishte një nga forcat kryesore që mbronte uzinë çeliku.

Nëse konfirmohet, braktisja e plotë e bunkerëve dhe tuneleve të uzinës së bombarduar do të nënkuptonte kapjen e pozicionit të fundit të Ukrainës në qytetin bregdetar.

Disa orë përpara njoftimit rus, presidenti, Volodymyr Zelenskiy, ka thënë se mbrojtësve ushtria ukrainase ua ka bërë me dije se ata mund të dilnin dhe të shpëtonin jetën e tyre dhe me shumë mundësi do të largoheshin të gjithë në ditët në vijim.

Rusia më herët ka thënë se mbi 900 trupa ukrainase që ishin në fabrikën e çelikut të rrethuar të Mariupolit, në fabrikën Azovstal, janë dërguar në një koloni burgu në territorin e kontrolluar nga Rusia.

Zëdhënësi i Kremlinit, Dmitry Peskov, ka thënë se luftëtarët do të trajtoheshin në përputhje me normat ndërkombëtare për të burgosurit e luftës, megjithëse disa politikanë të lartë rusë kanë kërkuar këtë javë që ata të gjykoheshin dhe një madje bëri thirrje për ekzekutimin e tyre.

Ministri rus i mbrojtjes, Sergei Shoigu, ka thënë se gati dy mijë ushtarë ukrainas janë dorëzuar në fabrikën e çelikut Azovstal në Mariupol.

“Bllokimi i uzinës Azovstal vazhdon. Nacionalistët po dorëzohen aktivisht në robëri. Për momentin, 1,908 persona kanë dorëzuar armët,” ka thënë Ministria në komentet e transmetuara nga mediat shtetërore ruse të premten e 20 majit, raporton CNN të cilët nuk kanë mundur t’i verifikojnë këto shifra zjarri.

Ukraina ka pretenduar se më shumë se një milion njerëz janë dëbuar me forcë nga pjesët e vendit që ishin nën kontrollin e saj përpara se të fillonte pushtimi rus.

Luftëtarët e fundit të Mariupol-it kanë mbetur të ngujuar në fabrikën e çelikut

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika