Këtë të martë, Rusia u ka bërë thirrje forcave ukrainase t’i dorëzojnë armët deri në mesditë me orën e Moskës, nëse duan të jetojnë.
Autoritet ukrainase kanë thënë se, më pak se 1 mijë civilë, të hënën, kanë qenë të fshehur në strehimoren nëntokësore nën uzinën e madhe Aziovstal. Ndërsa, Ministria e Mbrojtjes së Rusisë, të martën, përmes një deklarate, ka theksuar se të gjithë ata që i dorëzojnë armët janë të garantuar të mbeten gjallë.
Ministria ka bërë thirrje që trupat të tërhiqen nga uzina mes orës 14:00-16:00 në kohën e Moskës ‘pa përjashtim, pa municion dhe pa asnjë armë’. Forcat separatiste, të mbështetura nga Rusia, janë përpjekur të sulmojnë fabrikën e çelikut Azovstal, dhe të marrin kontrollin e saj sa më shpejt.
Mariupoli ka qenë i rrethuar nga trupat ruse për javë të tëra dhe ka parë luftimet më të ashpra, që nga fillimi i luftës më 24 shkurt.
Sipas artikullit të “abc.net.au”, forcat ruse kanë përshpejtuar sulmet e shpërndara në Ukrainën perëndimore dhe më gjerë. Ukraina, gjatë kësaj kohe kishte nevojë urgjente për më shumë armë të rënda nga Perëndimi, për të pasur mundësi për të shpëtuar qytetet.