Rusia dhe Bjellorusia kanë filluar stërvitjet e përbashkëta ushtarake të hënën e 16 janarit, të cilat kanë shkaktuar frikë në Kiev dhe Perëndim, se Moska mund të përdorë aleatin e saj për të nisur një ofensivë të re tokësore në Ukrainë.
Rusia përdori fqinjin e saj Bjellorusinë si një trampolinë për pushtimin e Ukrainës që filloi më 24 shkurt.
“Dy aleatët do të kryejnë stërvitje të forcave ajrore nga 16 janari deri në shkurt, duke përdorur të gjitha fushat ajrore ushtarake të Bjellorusisë dhe filluan stërvitjet e përbashkëta të ushtrisë që përfshinin një ‘nëndarje të mekanizuar brigade’, të hënën” ka thënë Ministria e Mbrojtjes bjelloruse, raporton Reuters.
Moska mohon se ka ushtruar presion ndaj presidentit Bjellorus, Aleksandër Lukashenko, për të marrë një rol më aktiv në konfliktin në Ukrainë.
Ukraina ka paralajmëruar vazhdimisht për sulme të mundshme nga Bjellorusia dhe presidenti ukrainas, Volodymyr Zelensky, ka thënë javën e kaluar se vendi duhet të jetë gati në kufirin e tij me Bjellorusinë.
Bjellorusia ka kryer ushtrime të shumta ushtarake që nga fillimi i pushtimit, vetë dhe së bashku me Rusinë.
Së bashku me Moskën, Bjellorusia gjithashtu ka forcuar stërvitjet me armatim dhe pajisje ushtarake.