Gjiganti rus i energjisë bërthamore Roasatom do të filojë ndërtimin e dy reaktorëve të rinj bërthamorë në Hungari në javët e ardhshme ka deklaruar ministri i Jashtëm i Hungarisë, Peter Szijjarto.
Marrëveshja e arritur midis Rusisë dhe shtetit të BE-së në vitin 2014, synon të zgjerojë centralin bërthamor ekzistues Paks.
Industria bërthamore e Rusisë nuk i është nënshtruar sanksioneve të BE-së për pushtimin e përgjakshëm të Ukrainës.
Lëvizjet për të izoluar dhe sanksionuar eksportet e saj të naftës dhe gazit nuk janë mbështetur pa kushte nga Hungaria.
Vendi i Paks aktualisht gjeneron 40% të furnizimit me energji elektrike të Hungarisë.
“Le të fillojë ndërtimi” ka thënë ministri i Jashtëm hungarez Peter Szijjarto në një postim në Facebook.
Me dy reaktorët shtesë, termocentrali bërthamor, aktualisht i përbërë nga katër reaktorë të ndërtuar nga sovjetikët – do të shohë kapacitetin e tij më shumë se dyfish.
“Ky është një hap i madh, një moment historik i rëndësishëm,” ka shkruar Szijjarto, njoftonBC.
“Në këtë mënyrë ne do të sigurojmë sigurinë energjetike të Hungarisë në afat të gjatë dhe do t’i mbrojmë hungarezët nga luhatjet e egra të çmimeve të energjisë.”
Ai ka shtuar se reaktorët bërthamorë mund të jenë gati për shërbim deri në vitin 2030.
Projekti i diskutueshëm 12.5 miliardë euro (10.6 miliardë £; 12.4 miliardë dollarë) financohet kryesisht nga Rusia.
Në vazhdën e luftës në Ukrainë, shumë shtete të BE-së janë përpjekur të pakësojnë varësinë e tyre nga furnizimet ruse të energjisë.