Rajoni Rostov i Rusisë do të presë të premten banorë nga Khersoni i jugut të Ukrainës, ka bërë të ditur për CNN, guvernatori rus.
Kreu i Administratës së mbështetur nga Rusia në rajonin jugor të Ukrainës, Kherson, i ka bërë thirrje Kremlinit që të organizojë një evakuim të civilëve përballë një ofensive ukrainase.
“Rajoni i Rostovit do të presë dhe strehojë të gjithë ata që duan të vijnë te ne nga rajoni Kherson”, ka thënë Vasily Golubev, guvernatori i rajonit të Rostovit, për agjencinë e lajmeve TASS, transmeton CNN.
Ai ka treguar se nga e premtja do të pranohen banorët e parë, duke shtuar se do t’u krijohen të gjitha kushtet.
“Tashmë jemi përgatitur për të pritur njerëzit e parë që vijnë. Ne do t’u krijojmë të gjitha kushtet. Nesër e pranojmë grupin e parë”, ka shtuar Golubev.
Ky reagim erdhi pasi Moska ka thënë se do të ndihmonte evakuimin e banorëve të Khersonit, të pushtuar në zona të tjera, ndërkohë që Kievi po fitonte dhe po përpjekej të rimarrë rajonin jugor të Ukrainës.