Gjatë ditës së martë të 12 korrikut, autoritetet ruse kanë nisur një çështje penale kundër politikanit të opozitës ruse, Ilya Yashin ku sipas autoriteteve ky i fundit ka përhapur një informacion “të rremë” për ushtrinë ruse, kështu ka bërë të ditur avokati i politikanit, Vadim Prokhorov.

“Departamenti Kryesor i Hetimit ka iniciuar çështjen penale sipas nenit 207.3 të Kodit Penal të Federatës Ruse, kundër Ilya Yashin”, ka bërë të ditur avokati, Prokhorov.

Avokati i Yashin kishte marrë një telefonatë nga një hetues, dhe sipas tij ata kishin filluar menjëherë që të kontrollojnë shtëpinë e tij.

Yashin i cili është edhe ish-këshilltar i qytetit të Moskës, ka qenë kritik i  ashpër ndaj presidentit Vladimir Putin, ku ndoshta kjo edhe ishte arsye që Yashin të fliste hapur kundër luftës së Rusisë me Ukrainën.

Yashin u ndalua më 28 qershor, dhe të nesërmen ai u arrestua për 15-të ditë, për mosbindje ndaj policisë.