Rusia lëshon urdhërarrest për disa zyrtarë të Policisë së Kosovës

Më shumë se tre pjesëtarë të Policisë së Kosovës, përfshirë edhe eprorë të saj, Rusia i ka shpallur në kërkim ndërmjet një fletëarresti. Këtë veprim shteti që udhëhiqet nga Vladimir Putin e ka ndërmarrë, pasi policët kosovarë kishin arrestuar zyrtar rus të UNMIK-ut në vitin 2019, i cili po u printe bandave kriminale në bllokimin e rrugëve. Drejtori i atëhershëm i Policisë së Kosovës ka treguar detaje për këtë rast të 5 viteve më parë, derisa i ka bërë thirrje shtetit për veprime të menjëhershme.

Një hatërmbetje të 2019-tës me Kosovën nuk e ka lënë në harresë nga Rusia.

Kjo pasi ky shtet ka lëshuar fletarrest ndaj dy zyrtarëve të lartë udhëheqës të Policisë së Kosovës dhe disa pjesëtarëve të tjerë.

Televizioni Dukagjini ka mësuar se këta dy zyrtarë të lartë janë shefi i Njësisë Speciale Operative në Prishtinë, Besart Ahmeti, dhe Alban Jetullahu, shef i operativës në Njësinë për Ndërhyrje të Shpejtë.

Dukagjini ka pyetur Policinë lidhur me këtë çështje, por deri më tani nuk ka marrë konfirmim.

Ky veprim i shtetit rus i ka rrënjët te një aksion i Policisë së Kosovës kundër kontrabandës në veri, gjatë majit të pesë viteve më parë.

Ahmeti dhe Jetullahu që në atë kohë ishte udhëheqës i Njësisë Speciale Intervenuese, bashkë me kolegë të tjerë kishin arrestuar disa persona, në mesin e të cilëve kishte qenë edhe një zyrtar i UNMIK-ut me nënshtetësi ruse.

Gjatë asaj kohe drejtor i Përgjithshëm i Policisë së Kosovës ishte Rashit Qalaj. Ai e ka mjaft të freskët rastin.

“Ka qenë zyrtar i Kombeve të Bashkuara i cili në mënyrë aktive duke qenë në krye të qytetarëve dhe bandave që kishin bllokuar rrugët ju ka prirë atyre me veturën e Kombeve të Bashkuara, deri në një moment kur në rrugë ka pasur drunj dhe pastaj njësitë speciale normalisht që e kanë ndal”, tha Rashit Qalaj, ish-drejtor i Policisë.

Qalaj thotë se shteti duhet të merret menjëherë me këtë çështje sepse pasojat që mund t’i vuajnë këta policë nga ky urdhër arrest, sipas tij, nuk janë të thjeshta.

“Shteti i Kosovës duhet ta trajtoj me seriozitet, duhet të kërkohet llogari nga UNMIK-u, unë mendoj që ka një rolë edhe ky mision në futjen në liste të Interpolit të këtyre policëve sepse Policët sidomos eproret janë të specializuar dhe ata kanë trajnime të ndryshme në shtete të ndryshme dhe mund të bëhen objekt i ndonjë ndalese në ndonjë kufi”, tha Qalaj.

Me lëshimin e këtij urdhërarresti, Rusia ka kërkuar që këta zyrtarë policorë kosovarë të futen në listën e kërkimit të INTERPOL-it.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika