Shefja e Bashkimit Evropian për Politikë të Jashtme dhe Siguri, Kaja Kallas, ka deklaruar se Rusia në të vërtetë nuk e dëshiron paqen në Ukrainë.
Siç raporton BBC, Kallas duke folur para një takimi të ministrave të Jashtëm të vendeve të BE-së, ka thënë se pas pranimit nga Ukraina të një propozimi amerikan të armëpushimit, tani topi është në anën e Rusisë.
“Topi është në fushën e Rusisë”, ka thënë Kallas në një video të postuar në llogarinë e saj në X, duke shtuar se është në “pikëpyetje të madhe” nëse ata e duan paqen.
Ajo ka potencuar se kushtet e kërkuara nga Rusia për çdo armëpushim në Ukrainë tregojnë se Moska në të vërtetë nuk dëshiron paqe.
“Ata në fakt nuk e duan paqen, sepse po paraqesin si kushte të gjitha qëllimet e tyre përfundimtare që duan të arrijnë nga lufta”, është ka deklaruar Kallas.