Agjencia kundër Korrupsionit ka filluar publikimin e regjistrave të deklarimit të pasurisë për zyrtarët e lartë publik për vitin 2021.

Në mesin e këtyre zyrtarëve është edhe kryeministri i Kosovës, Albin Kurti, i cili ka deklaruar se në një bankë private ka vetëm 529 euro e 26 cent.

Ndërkaq, bashkëshortja e kryeministrit raportohet t’i posedojë 10 mijë euro në bankën DNB, në Norvegji.

Para të gatshme të mbajtura në institucione financiare

Në përshkrimin e hollësishëm të pasurisë së paluajtshme, raportohet që gruaja e të parit të qeverisë, posedon një apartament me sipërfaqe 67 metra katrorë, e blerë në vitin 2018, vlera e të cilës është 400 mijë euro.

Pasuria e paluajtshme

Sa i përket detyrimeve financiare ndaj personave juridik dhe fizik, kryeministri Kurti paguan 250 euro në muaj për qiranë e shtëpisë në të cilën banon aktualisht.

Kurse, bashkëshortja e tij, ka detyrime financiare prej 300 mijë eurosh për blerje të apartamentit në Oslo të Norvegjisë.

Detyrimet financiare ndaj personave jurudik dhe fizik

Ndërkohë, i pari i ekzekutivit ka deklaruar edhe të hyrat vjetore.

Një mijë e 305 euro e 49 cent është shuma neto e pagës mujore që Kurti merr nga qeveria.

Ndërsa, shuma neto e pagës për tre muajt (janar, shkurt dhe mars), të vitit 2021, të cilat i merr nga Lëvizja Vetëvendosje, ka arritur në vlerën katër mijë e 200 euro.

Ndërkaq, të hyrat vjetore që merr bashkëshortja e tij arrin shifrën në tre mijë e 915 euro e 83 cent.

Të hyrat vjetore