Sa mund të ndryshojë struktura e re e policisë së Kosovës?

Policia e Kosovës së bashku me Ministrinë e punëve të brendshme ka nënshkruar strukturën e re organizative të Policisë. Sipas ish-pjesëtarëve të këtij institucioni kjo është normale për shkak të ndryshimit të drejtorit të përgjithshëm të Policisë së Kosovës. Mirëpo, ekzistojnë edhe disa kufizime

Policia e Kosovës (Ilustrim)

Bashkë me drejtorin e ri të Përgjithshëm Gazmend Hoxha, Policia e Kosovës do të bëhet edhe me strukturë të re organizative.

Ajo u nënshkrua një ditë më parë nga Hoxha dhe ministri i Punëve të Brendshme, Xhelal Sveçla.

Por, më shumë informacione rreth ndryshime që pritet të ndodhin nuk ka dhënë MPB-ja, e cila nuk i ka kthyer përgjigje Dukagjinit.

Gjithsesi, sipas ish – kryeshefit të inspektoratit policor, Valdet Hoxha struktura e re nuk mund t’i ikë strukturës bazë të Policisë.

“Struktura e Policisë së Kosovës tashmë është e etabluar dhe normalisht nuk mund të I ik atij standardi që e ka pas deri tash, e kam parasysh për pesë departamente organizative por që gjithmonë misioni i Policisë së Kosovës duhet të jetë në mbrojte të jetës e pronës së qytetarit të  së Kosovës”, ka theksuar Valdet Hoxha – Ish-kryeshef i IPK-së.

Sipas tij, ndryshimi i strukturës është normal me çdo ndërrim të drejtorit të përgjithshëm të Policisë.

“Duke pasur parasysh rolin edhe misionin e Policisë së Kosovës një strukturë e re organizative dhe eventualisht ndryshimi I saj lindin si nevoje e organizimit operacional dhe po besoj që është një proces standard sidomos me rastin e ndërrimit të udhëheqësit të Policisë së Kosovës”, ka përfunduar Valdet Hoxha –  Ish-kryeshef i IPK-së.

Gazmend Hoxha është zgjedhur drejtor i përgjithshëm i Policisë së Kosovës më 8 mars të këtij viti.

Shija e redaktorit

Ermal Panduri tregon se si filloi emisioni “Debat Plus”

Moderatori i emisionit më të shikuar në vend "Debat Plus", Ermal Panduri, ka treguar se ky është emisioni më i shtrenjtë në Kosovë. "Është shumë...

15 operimet më të ndërlikuara në shëndetësi u kryen ditën...

Në Spitalin e Përgjithshëm të Pejës, gjatë ditës së djeshme (12 mars), janë kryer 15 operacionet më të ndërlikuara në shëndetësi. Këtë e ka...

Gërvalla viziton Misionin e Përhershëm të Shqipërisë në NATO

Në kuadër të vizitës në NATO, ministres së Punëve të Jashtme dhe Diasporës, Donika Gërvalla dhe delegacionit të Kosovës i është rezervuar një pritje...

Të fundit nga rubrika