Sallahu: KMDLNJ ka keqpërdorur rreth 100 mijë euro, të përgatiten ta mbrojnë vetën para drejtësisë

Zëvendësministri i Drejtësisë, Blerim Sallahu, ka njoftuar se KMDLNj-ja i ka keqpërdorur rreth 100 mijë euro të taksapaguesve, dhe se rastin tanimë e kanë dëguar në Gjykatë

Zëvëndësministri i Drejtësisë, Blerim Sallahu





Zëvendësministri i Drejtësisë, Blerim Sallahu, ka thënë se KMDLNj-ja i ka keqpërdorur rreth 100 mijë euro të taksapaguesve.

“Rastin e kemi dërguar në Gjykatë, dhe këta që supozohet t’i mbrojnë të drejtat dhe liritë e njeriut, le të përgatiten ta mbrojnë fillimisht vetën para drejtësisë!”, ka shkruar Sallahu.

Sallahu ka theksuar se do të ishte mirë që keqpërdoruesit që i kanë dëmtuar fondet publike “të na kursejnë nga këshillat e themelimit të Asociacionit që na e deformon shtetin”.

“Liritë dhe të drejtat e njeriut janë të garantuara me Kushtetutë dhe me akte ndërkombëtare. Ne i respektojmë ato maksimalisht”, ka shtuar tutje Sallahu në Facebook.

Mes tjerash, Sallahu ka theksuar se liritë dhe të drejtat e njeriut i cënojnë, pikërisht, ata që bëjnë thirrje për themelim të mekanizmave që e shkelin Kushtetutën, siç është Asociacioni.

Sipas tij, Asociacioni është strukturë e bazuar në përkatësi etnike, përmes së cilës, rriten dallimet e diskriminimet kombëtare, “që janë në frymë të kundërt me liritë dhe të drejtat e njeriut”.





Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika