“Limaj i duhet dhe PDK-së, po ashtu i duhet edhe shtetit të Kosovës”.

Kështu i është përgjigjur Sami Lushtaku, pyetjes së Ermal Panduri, se a i duhet PDK-së, Fatmir Limaj.

Sami Lushtaku, anëtari i kryesisë së PDK-së, ka thirrur në emisionin “Debat Plus”, ku ka thënë se Yll Hoxha është duke bërë linçim ndaj tij.

“Unë nuk kam kurrëfarë terminali dhe kjo mund të vërtetohet, Qeveria e Kosovës i ka të gjitha të dhënat e secilit terminal edhe secilit që e ka privatizuar apo e ka blerë një terminal”.

“E lus Ylli Hoxhën që të mos shpifë e të mos të thotë të pavërteta, se mjaft po gënjen, ai shefi tij të mos gënjen dhe t’i thotë publikisht”, ka thënë Sami Lushtaku.

Sipas Lushtakut, as ai dhe askush i afërt me të, nuk ka terminal doganor.