Përfaqësuesi i Special i Gjermanisë për Ballkanin Perëndimor, Manuel Sarrazin, sot do të qëndrojë për vizitë zyrtare në Prishtinë.
Emisari do të ketë takime zyrtare, ndonëse nuk ka sqarime se me kë do të takohet, bëri të ditur Ambasada gjermane në Prishtinë.
“Manuel Sarrazin, përfaqësuesi special i Qeverisë Federale për vendet e Ballkanit Perëndimor, do të vizitojë Kosovën. Pas takimeve zyrtare, ai do të mbajë një konferencë për media para nisjes”, thuhet në njoftimin e Ambasadës gjermane.
Më tej thuhet se konferenca e tij për media do të mbahet në orën 18:00 në Aeroportin Ndërkombëtar të Prishtinës./EO