SBAShK-u adreson kërkesat drejt Qeverisë, Gola propozon forma të reja të grevës

Kryetari i Komisionit për Arsim, Ardian Gola, ka propozuar që fëmijët të kthehen në shkollë derisa të gjendet një zgjidhje përfundimtare dhe të mos vendosen notat për nxënësit si formë e presionit sindikal. Ndërsa, SBAShK-u ka adresuar kërkesat drejt Qeverisë për të arritur deri te një zgjidhje konkrete

SBAShK-u në Komisionin për Arsim





Në vazhdën e diskutimeve në Komisionin e Arsimit, kryetari i Komisionit të Arsimit, Ardian Gola nga radhët e VV-së, ka propozuar që të ndryshohet forma e grevimit.

Propozimet e Golës ishin që fëmijët të kthehen në shkollë derisa të gjendet një zgjidhje përfundimtare dhe të mos vendosen notat për nxënësit si formë e presionit sindikal.

Propozimet e tij kanë mbetur që të shqyrtohen nga anëtarësia e SBAShK-ut.

“Derisa të bëhet një zgjidhje përfundimtare, fëmijët të kthehen në shkollë, të mos vendosen notat dhe jam shumë i sigurt që gjatë ditëve do të gjendet një zgjidhje”, ka deklaruar ai.

Gola ka thënë se presioni sindikal të bëhet ndërmjet mosvendosjes së notave, por fëmijet e mësimdhënësit të kthehen në shkolla.

Ndërsa, SBAShK-u është përgjigjur duke thënë se, edhe nëse lehtësohen presionet e tyre, nuk dihet a do të ketë bindje të Qeverisë.

“Nuk po themi që nuk po e pranojmë, por dua të them se nëse i lehtësojmë presionet sindikale, a do të bindet Qeveria?”, ka thënë SBAShK.

Ndërkaq, të premten e 23 shtatorit, në vazhdën e diskutimeve për grevat, SBAShK-u i ka adresuar Qeverisë kërkesat e kësaj sindikate për të arritur te një zgjidhje konkrete.

Kërkesat e SBAShK-ut janë si në vijim:

    1. Rritja e pagës për 10.45 për qind aq sa ishte rritja ekonomike(BPV) në Kosovë për vitin 2021 sipas ASK bazuar në ligjin për menaxhimin e financave publike dhe shtesa prej 50 euro nga paketa ekonomike e publikuar nga Qeveria e Kosovës më 3 shtator 2022 për periudhën shtator-dhjetor 2022, kurse nga janari 2023 rritje e pagës për aq për qind sa është rritja ekonomike e vitit 2022 plus shkallën e inflacionit 2022 bazuar në kontratën kolektive të SBAShK-MASHT (neni 35 paragrafi 10). Të merren parasysh vërejtjet e arsyetuara të SBASHK-ut të dhëna gjatë diskutimit publik për ligjin e pagave si dhe ligjin e zyrtarëve publikë.
  1. Plotësim-ndryshimi i Ligjit për Skemat Pensionale të Financave nga Shteti, nr.04/L 131, sidomos të ndryshohet ose të fshihet në tërësi neni 8, paragrafi 1.2 dhe 1.3, që thirret në Ligjin e Sigurimeve Pensionale të vitit 1983, pra sipas të cilit të kërkohet që t’i ketë 15 vjet kontribute në skemat pensionale para datës 01.01.1999, deri në fund të nëntorit të vitit 2022.
  2. Deri në fund të vitit 2022, të miratohet plotësim-ndryshimi i ligjit të sigurimeve shëndetësore, ose në të kundërt të fillojë zbatimi i ligjit aktual të sigurimeve shëndetësore nga janari i vitit 2022.

No description available.





Shija e redaktorit

Kosova fiton ndaj Qipros, siguron vendin në Ligën C

Kosova ka shënuar fitore ndaj Qipros me rezultat 5 me 1 në Stadiumin “Fadil Vokrri” në Prishtinë në kuadër të Grupit 2 në Ligën...

A rrezikon Kosova të ngelet pa punëtorë?

Problemi i ikjes së punëtorëve nuk haset vetëm te personeli mjekësor, por shqetësuese është edhe ikja e fuqisë punëtore të profileve të ndryshme në...

Sa gjenerata duhet të kalojnë që të arrihet marrëveshja në...

“Duhet që dy gjenerata të kalojnë, një veç se ka kaluar”. Kështu kishte deklaruar ish i emëruari i Organizatës së Kombeve të Bashkuara(OKB) si Administrator...

Më të lexuarat

Vasfije Krasniqi jep dorëheqje nga pozita e deputetes

Deputetja e zgjedhur nga radhët e Lëvizjes Vetëvendosje(VV), Vasfije Krasniqi-Goodman, të mërkurën e 21 shtatorit ka bërë të ditur se ka dhënë dorëheqje. Krasniqi ka...

Ish-deputeti i LVV-së, Krasniqi: Të rregullohen raportet me ShBA-të ose...

"Unë kam ardhur këtu për t'iu kërkuar falje njerëzve që i kam dërguar në Vetëvendosje. Unë u kërkoj falje, se nuk e kam ditur...

Azemi: Kurti është kryeministër i imi, kurrë nuk kam për...

Kryetari i Sindikatës së Pavarur të Sektorit Privat, Jusuf Azemi ka thënë se një herë të vetme nuk është ftuar një përfaqësues nga sektori...

Të fundit nga rubrika