Sindikata e Bashkuar e Arsimit, Shkencës dhe Kulturës (SBAShK) ka bërë të ditur se do t’i dërgojë në bregdetin shqiptar 440 mësimdhënës.
Në njoftimin e tyre thuhet se përzgjedhja e pushuesve është bërë nga shoqatat sindikale që nga çerdhet e deri të universitetet e institucionet e kulturës, duke u bazuar në kriteret e përcaktuara nga Këshilli Drejtues i SBASHK-ut.
Ky aktivitet i SBAShK-ut ka nisur sot me grupin e parë prej 88 pushuesve dhe me tjerët do vazhdojnë në ditët në vijim.
“Ky aktivitet këtë vit ka nisur sot me grupin e parë prej 88 pushuesve, për të vazhduar më 19 qershor me grupin e dytë prej 203 pushuesve dhe për t’u përmbyllur me grupin e tretë prej 149 pjesëmarrësve në këtë aktivitet rekreativ, të cilët për në bregdetin shqiptar do të nisen më 29 qershor. Përzgjedhja e pushuesve është bërë nga shoqatat sindikale që nga çerdhet e deri të universitetet e institucionet e kulturës, duke u bazuar në kriteret e përcaktuara nga Këshilli Drejtues i SBASHK-ut”, thuhet në njoftim.