Scholz i premton Ukrainës “mbështetje të pakufishme”

Në fjalimin e kancelarit gjerman, Olaf Scholz, në Forumin Ekonomik Botëror që po mbahet në Davos të Zvicrës, është përmendur edhe "mbështetja e pakufishme" për Ukrainën dhe dërgimi i mjeteve të rënda luftarake

Kancelari gjerman, Olaf Scholz

Kancelari i Gjermanisë, Olaf Scholz, në margjinat e Forumit Ekonomik Botëror i ka premtuar Ukrainës “mbështetjen e pakufishme të Gjermanisë”.

Por, kancelari Scholz nuk e ka përmendur se kur do të dërgojë Gjermania tanket luftarake të tipit “Leopard 2”, për të cilat, Ukraina është lutur në mënyrë që të mund ta rifitojë vrullin pas disa sukseseve në fushën e betejës në gjysmën e dytë të 2022 kundër agresionit rus.

Fjalimi i Scholzit në Davos ishte fjalimi i vetëm i një lideri nga vendet e G7-ës.

Scholz, në fjalën e tij u përqendrua kryesisht në ekonominë e së ardhmes “Çfarë ndryshimesh solli një vit” – me këto fjalë, kancelari gjerman, Olaf Scholz, hapi fjalimin e tij dhe i përshkroi ndryshimet e shkaktuara në ekonominë globale si rezultat i luftës së Rusisë në Ukrainë, shkruan DW.

Scholz përsëriti premtimin e tij “Ne do të vazhdojmë ta mbështesim Ukrainën – për aq kohë sa të jetë e nevojshme”.

Ai ka theksuar se për të siguruar që lufta e agresionit rus të dështojë, Gjermania po dërgon vazhdimisht dhe në konsultim të ngushtë me partnerët ndërkombëtarë “sasi të mëdha armësh”.

Ai e cilësoi ndihmën ushtarake për Ukrainën “një pikë të thellë kthese në politikën e jashtme dhe të sigurisë gjermane”.

“Rusia tashmë ka dështuar me luftën e saj imperialiste”, ka shtuar Scholz.

Ndryshe, presidenti i Shteteve të Bashkuara të Amerikës (ShBA), Joe Biden, të martën e 17 janarit, ka zhvilluar një bisedë telefonike me kancelarin e Gjermanisë, Olaf Scholz.

Në këtë bisedë, ata kanë ritheksuar mbështetjen e tyre të palëkundur për Ukrainën dhe dënuan agresionin e Rusisë.

Presidenti Biden dhe kancelari Scholz diskutuan për ndihmën e tyre të vazhdueshme për Ukrainën.

Ndryshe, në fillim të janarit, Washingtoni dhe Berlini ranë dakord së bashku për të dërguar automjete luftarake për ta mbështetur Ukrainën në luftën kundër Rusisë.

Biden njoftoi se ShBA synonte të furnizonte Ukrainën me një raund tjetër ndihme sigurie, duke përfshirë automjete luftarake.

Ndërkaq, të enjten, sekretari i Mbrojtjes i ShBA-ve, Lloyd Austin dhe ministri i sapoemëruar gjerman i Mbrojtjes, Boris Pistorius, pritet të takohen në Berlin.

Takimi në Ramstein, i organizuar nga Austin, do të fokusohet në më shumë ndihmë ushtarake për Ukrainën.

Ndërsa, në fillim të janarit të këtij viti, ShBA ka ndarë një paketë ndihme ushtarake me vlerë më shumë se 3 miliardë dollarë për Ukrainën.

 

Shija e redaktorit

Komuna e Prishtinës publikon çmimet e reja për trafikun urban

Komuna e Prishtinës në kuadër të Marrëveshjes së Kredisë mes Trafiku Urban Prishtinë dhe Bankës Evropiane për Rindërtim dhe Zhvillim (BERZh), me qëllim të...

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Libraria Dukagjini vjen me “BookFest” në Albi Mall

Libraria “Dukagjini” dhe “Albi Mall” kanë bashkuar forcat për një superfestë të librit, me shumë aktivitete e superatmosferë. Për dhjetë ditë me BookFest-in e librarisë...

Më të lexuarat

I shpallur në kërkim ndërkombëtar nga Gjermania, 25-vjeçari nga Kosova...

Një 25-vjeçar nga Kosova është ndaluar në Morinë, pasi ishte shpallur në kërkim ndërkombëtar nga Gjermania. Policia njofton se i riu me inicialet J. D,...

Qytetari tregon si i mbeti kamioni në barikada, tregon se...

Një qytetar ka treguar se si i ka mbetur kamioni në barrikadat e vendosura në Veri të Mitrovicës. Ai thotë se i maskuari, duke...

‘Rikthehet’ analisti Dardan Gashi në Debat Plus me sondazh të...

Analisti Dardan Gashi, është rikthyer në emisionin Debat Plus në RTV Dukagnini, pasi kishte lëshuar debatin në mënyrë demostrative pas shfaqjes së një sondazhi...

Të fundit nga rubrika