“Ne ju duam si anëtare të BE-së dhe do të jemi pranë jush gjatë gjithë rrugës”.
Kështu ka shkruar Scholz për miratimin nga Parlamenti i Maqedonisë së Veriut për propozimin francez.
Përmes një postimi në Twitter,kancelari i Gjermanisë, Olaf Scholz, ka thënë se ky miratim nga Parlamenti i Maqedonisë së Veriut i ka hapur rrugë mbajtjes së Konferencës së Parë Ndërqeveritare për hapjen e negociatave drejt antarësimit të BE-së.
Scholz ka deklaruar se Maqedonia e Veriut dhe Shqipëria e kanë vendin në Bashkimin Evropian.
I welcome the vote of the Macedonian 🇲🇰parliament paving the way for the first accession conferences of the European Union 🇪🇺 with North Macedonia and Albania. We want you as members of the European Union and will be at your side all the way!
— Bundeskanzler Olaf Scholz (@Bundeskanzler) July 16, 2022
“Përshëndes votimin e Parlamentit të Maqedonisë së Veriut që hap rrugën për konferencat e para të anëtarësimit në Bashkimin Evropian të Maqedonisë së Veriut dhe Shqipërisë. Ne ju duam si anëtare të BE-së dhe do të jemi pranë jush gjatë gjithë rrugës”, ka shkruar Scholz.
Me 68 vota pro dhe asnjë kundër, deputetët e pozitës të shtunën kanë miratuar konkluzionet e propozimit francez në Kuvendin e Maqedonisë.
Votimi i propozimit francez për ndryshime kushtetuese ishte kusht që Maqedonia e Veriut ta zhbllokonte procesin e integrimeve evropiane.
Pas miratimit të këtij propozimi, Maqedonia e Veriut do ta ketë obligim ta njohë pakicën bullgare si komb të barabartë me të tjerët.