Në konferencën e mbajtur para gazetarëve në Berlin, është theksuar se të gjitha detyrimet do të zbatohen pasi, janë dakoduar, ndërsa vendimet e njëanshme janë të padobishme për rajonin.
Scholz në mënyrë të hapur ka bërë kërkesa ndaj Serbisë.
“Kam biseduar me presidentin Vuçiq për rëndësinë e progresit në dialog që duhet të çojë në një marrëveshje gjithëpërfshirëse. Të gjitha çështjet e hapura duhet të zgjidhen brenda dialogut, kjo kërkon guxim dhe vendosmëri dhe të gjitha detyrimet e dakorduara duhet të respektohen”, ka thënë Scholz.
Gjithashtu, ai ka parashikuara se si duhet të jetë dokumenti i marrëveshjes në mes të Kosovës dhe Serbisë. Sipas këtij të fundit, dokumenti duhet ta përfshijë edhe njohjen e Kosovës.
Scholz, i ka bërë të ditur Vuçiqit se Serbia nuk i ka vënë sanksione Rusisë, gjë të cilën duhej ta bënte sikurse Bashkimi Evropian, pjesë e secilës Serbia po synon të bëhet.
Por, sipas presidenti serb Vuçiq, Serbia nuk i ka harruar dot sanksionet e perendimit që ishin vendosur ndaj saj gjatë viteve të ’90-ta.
“Sa i përket Serbisë, ne kemi një qëndrim tjetër për Kosovën. Serbia ka qenë nën sanksione për një dekadë të tërë dhe është një ndjenjë ndryshe nga shumica e të tjerëve. Serbia e kuptoi mesazhin e Gjermanisë dhe të gjithë të tjerëve”, është kundër përgjigjur, Vuçiq.
Scholz, ka folur edhe për situatën në Bosnje dhe Hercegovinë.
“Presidentit Vuçiq ia përcolla edhe shqetësimin tim për situatën në Bosnje. Është shumë e rëndësishme të ruhet stabiliteti”, ka porositur Scholz.
Ndërsa, pas takimit me kryeministrin e Kosovës, Albin Kurti, kancelari gjerman, Olaf Scholz, kishte thënë se njohja e pavarësisë së Kosovës nga Serbia është pjesë e dialogut për normalizimin e marrëdhënieve midis dy vendeve.