Së paku 4 të vdekur nga zjarri në një bllok banesor në Spanjë

Të paktën katër persona kanë humbur jetën në një zjarr të madh që përfshiu një ndërtesë apartamentesh në Valencia, ka bërë të ditur zëvendësdrejtori i urgjencave të qytetit spanjoll

Blloku banesor duke u djegur nga zjarri i madh në Valencia, Spanjë, 22 shkurt 2024.

Së paku katër njerëz kanë vdekur nga një zjarr shumë i madh në një bllok të banesave të larta në qytetin lindor të Spanjës, Valencia, njoftuan shërbimet emergjente.

Zjarri e përfshiu bllokun banesor 14-katesh në lagjen “Campanar” dhe u përhap në një ndërtesë ngjitur.

“Mund të konfirmojmë se katër njerëz kanë vdekur”, ka thënë Jorge Suarez Torres, zëvendësdrejtor i shërbimeve emergjente për rajonin e Valencias.

Zjarrfikësit janë parë duke i shpëtuar njerëzit nga ballkonet e banesave. Besohet se 19 njerëz janë zhdukur gjatë zjarrit.

Zjarrfikësit duke luftuar për ta shuar zjarrin në një bllok banesor në Valencia, Spanjë, 22 shkurt 2024.

Së paku 14 njerëz, përfshirë gjashtë zjarrfikës dhe një fëmijë, janë lënduar, raporton REL.

Pamjet nga vendi i ngjarjes tregojnë se i gjithë kompleksi digjet teksa flakët shpërthejnë nëpër apartamente dhe tymi i dendur fryn sipër.

Në një video, ekuipazhet e zjarrfikësve mund të shihen duke shpëtuar njerëzit nga një ballkon, ndërsa zjarri shpërthen pas tyre.

Flaka e zjarrit u përhap si pasojë e erërave të forta, por ka dyshime se materiali i jashtëm i djegshëm i ndërtesave ia ka mundësuar zjarrit të përhapet me shpejtësi.

Më shumë se 20 ekipe të zjarrfikësve luftuan për ta shuar zjarrin dhe njerëzve u është kërkuar të rrinë larg kësaj zone.

Ndërtesa ka 138 banesa dhe në të banonin 450 njerëz, raportoi gazeta El Pais, duke cituar menaxherin e ndërtesës.

Shija e redaktorit

Dita e Presidentit, Osmani me familjen e saj e shënon...

24 maji është Dita e Presidentit. Presidentja e Kosovës, Vjosa Osmani, ka thënë se kjo ditë është vendosur nga presidenti historik, Ibrahim Rugova. Osmani ka thënë...

“Në burgun e Dubravës kemi fjetur në qiell të hapur...

Ndonëse këmba e ushtarëve të NATO-s ende nuk kishte shkelur në Kosovë, vëzhguesit e tyre nga ajri e toka po mblidhnin informacione për terrorin...

“Dukagjini” dhe “Pearson Education” rrisin standardet në arsim, organizojnë trajnim...

Shtëpia botuese “Dukagjini”, në bashkëpunim me “Pearson Education”, organizojnë trajnimin njëditor të titulluar “Breathing New Life Into Our Lessons” për mësimdhënësit/et e gjuhës angleze....

Të fundit nga rubrika