Policia e Kosovës ka ndaluar një person të dyshuar për kanosje në Rahovec, i cili gjatë kontrollit në pronën e tij rezultoi të posedonte armë të paautorizuara, përfshirë një pushkë gjahu, një pistoletë dhe municion.

Me urdhër të prokurorit, ndaj tij është iniciuar procedurë për veprat “Kanosje” dhe “Mbajtja e paautorizuar e armëve”. Ai u ndalua për 48 orë.

Gjatë bastisjes, u gjetën dhe u sekuestruan:

Një pushkë gjahu dhe 25 fishekë,

Një pistoletë dhe 25 fishekë,

Një pushkë ajrore, dhe

Një pistoletë për sinjalizim me zë.