Policia e Kosovës ka njoftuar se janë sekuestruar 12 mijë e 240 euro dhe 300 franga një shtetasi të Serbisë në pikëkalimin kufitar në Bërnjak.
Në njoftimin e PK-së thuhet se gjatë kontrollimit të hollësishëm të Policisë Kufitare dhe Doganës së Kosovës tek automjeti me tabela të Serbisë, tek vozitësi i janë hasur shuma e larcekur.
“Me datën 13.12.2024, rreth orës 21:50, në pikë kalimin kufitar në Bërnjak, në hyrje të RKS-së, gjatë kontrollimit të hollësishëm të përbashkët kufitar (Policia Kufitare & Dogana e Kosovës), të një automjeti, me targa të Serbisë (NP), me vozitës (J.D.) shtetas i Serbisë, janë hasur në 12.240 (dymbëdhjetëmijë e dyqind e katërdhjetë) euro dhe 300 (treqind) franga zvicerane, kartëmonedha të padeklaruara”, thuhet në njoftimin e PK-së.
Mjetet financiare të padeklaruara janë sekuestruar dhe i janë dorëzuar Doganës së Kosovës për procedurë të mëtejme.