Policia e Kosovës njofton se gjatë 24 orëve të fundit nga njësite policore të stacioneve të rajonit të Prishtinës, në raste dhe lokacione të ndryshme, janë shoqëruar në stacion policor nëntë persona të dyshuar, të cilëve u është gjetur dhe sekuestruar sasi të substancave narkotike që dyshohet të jenë të llojeve mariuhanë dhe kokainë.
“Gjatë 24 orëve të fundit nga njësite policore të stacioneve të Rajonit të Prishtinës, në raste dhe lokacione të ndryshme, janë shoqëruar 9 persona të dyshuar, të cilëve u është gjetë dhe sekuestruar sasi të substancave narkotike që dyshohet të jenë të llojeve mariuhanë dhe kokainë”, njofton Policia e Kosovës.
Policia njofton se kjo është bërë në kuadër të punës së saj për parandalimin e veprimtarive kriminale
“Policia e rajonit të Prishtinës në kuadër të punës së saj për parandalimin e veprimtarive kriminale që po i sjellin dëme shoqërisë, ka intensifikuar veprimet e saj në drejtim të identifikimit dhe kapjes së personave të përfshirë në raste kriminale”, thuhet në njoftimin e PK-së.
Pas intervistimit të personave të dyshuar, ndaj tyre janë iniciuar raste për posedim i paautorizuar e substancave narkotike, psikotrope ose analoge.