Ish-ministri i Punëve të Jashtme të Kosovës, Petrit Selimi, ka njoftuar se 700 familje serbe duan normalitet, por sipas tij ato janë duke u sulmuar nga strukturat paralele vetëm se këto familje kanë regjistruar automjet e tyre në targa “RKS”.

“Sapo mësova nga burime qeveritare se muajin e kaluar 700 serbë i kanë riregjistruar veturat e tyre me targa kosovare”, ka thënë ish-kryediplomati i Kosovës.

“700 familje serbe të Kosovës duan normalitet. Disa prej tyre janë sulmuar nga radikalët”, ka thënë Selimi.

Ai ka përfunduar duke u bërë thirrje autoriteteve kosovare që të zgjasin afatet për regjistrimin e automjeteve me targa “RKS”, pasi sipas tij është e nevojshme që edhe qytetarët e tjerë ta bëjnë këtë.

Just found out from gov sources that last month 700 Serbs have re-registered their cars with Kosovan license plates. 700 Kosovo Serb families want normality. Some of these have been attacked by radicals. Kosovo should now extend deadlines and good will to ensure others do so too.

— Petrit Selimi (@Petrit) April 5, 2023

Ndërsa, para disa ditësh, serbëve lokalë të Kosovës që i kanë riregjistruar veturat me targa “RKS”, u është vënë flaka natën nga strukturat paralele.