Presidentja e Kosovës, Vjosa Osmani, ka pritur në takim senatorët amerikanë, Jeanne Shaheen dhe Peter Welch.
Takimi është mbajtur në kabinetin e Presidencës, dhe pas takimit do të ketë deklarim për media.
Në takim po merr pjesë edhe ambasadori i Shteteve të Bashkuara të Amerikës, Jeffrey Hovenier.
Po ashtu, duke filluar nga ora 10:00, senatorët amerikanë, Jeanne Shaheen dhe Peter Welch, do të takohen edhe me kryeministrin Albin Kurti.
Ndërsa, kjo është vizita e parë e përfaqësuesve të lartë të ShBA-së në Kosovë, pas sulmit terrorist në Banjskë të Zveçanit më 24 shtator, ku mbeti i vrarë rreshteri i Policisë, Afrim Bunjaku.
Ndryshe, senatorja Shaheen pak më parë u deklarua në platformën “X” se vizita e tyre në Ballkanin Perëndimor do të bëhet “për të siguruar aleatët se SHBA-ja është e angazhuar në mënyrë aktive dhe mbështetëse për aspiratat demokratike të kombeve të tyre”.