Serbia organizon transport për votuesit serbë të Kosovës

Shteti i Serbisë do të organizojë transport për qytetarët serbë që planifikojnë të votojnë në zgjedhjet serbe të tre prillit.

Mediumi serb B92 raporton se transporti është organizuar për qytetarët serbë që kanë shtetësi edhe të Serbisë e që janë nga Komuna e Prishtinës, Fushë Kosovës, Lipjanit dhe Ferizajt.

Transporti do të bëhet me autobusë, të cilët, siç mësohet, do të nisen maksimumi tre përnjëherë, për t’i evituar ngarkesat në qendrat e votimit në Serbi.

Serbët nga Leposavici, Zveçani, Mitrovica Veriore, dhe votuesit nga komunat: Vushtrri, Istog, Klinë, Pejë e Rahovec, sipas gazetës B92, do të mund të votojnë në qytezën e Rashkës.

Ndërsa, serbët nga komuna e Prishtinës, Podujevës, Obiliqit, Fushë Kosovës, Lipjanit dhe Ferizajit, sipas autoriteteve serbe, e kanë mundësinë të votojnë në qytezën serbe të Kurshumlisë, kurse një pjesë tjetër në qytetin e Vranjës.

Zgjedhjet parlamentare e presidenciale të Serbisë pritet të mbahen të dielën më tre prill. Shteti i Kosovës nuk e ka lejuar mbajtjen e tyre në territorin e Kosovës, sipas kërkesave të Beogradit.

Për këtë çështje ishin organizuar protesta nga serbët lokalë në disa komuna të Kosovës.

Shija e redaktorit

Rama takohet me udhëheqësit e Katarit, i fton ata për...

Kryetari i Prishtinës, Përparim Rama ka njoftuar se së bashku me Presidenten e vendit, Vjosa Osmani është duke qëndruar në Katar për një vizitë...

Osmani uron Suedinë pasi iu hap rruga për anëtarësim në...

Presidentja e Kosovës, Vjosa Osmani, ka uruar Suedinë pasi asaj iu hap rruga për anëtarësim në NATO, meqë Hungaria miratoi të hënën kandidaturën e...

Osmani takohet me emirin e Katarit, flasin për trajtimin e...

Presidentja e Kosovës, Vjosa Osmani, është pritur në takim nga emiri i Katarit, Sheikh Tamim Bin Hamad Al Thani, me të cilin ka biseduar...

Të fundit nga rubrika