Sergio Gomez ka bërë një marrëveshje katërvjeçare me klubin e Manchester City me tarifë prej 13 milionë eurosh plus shtesa.
21-vjeçari Sergio Gomez hyri në akademinë e Barcelonës përpara se të luante nën drejtimin e ish-kapitenit të City-t, Vincent Kompany në klubin belg.
Gomez ka shprehur lumturinë e tij për mundësinë e dhënë nga Manchester City, dhe sipas tij kjo është një ëndërr që çdo lojtar do e kishte.
Gomez do të veshë fanellën me numrin 21 – të njëjtin numër si spanjolli David Silva.
Sergio Gomez kishte krijuar simpati për spanjollin David Silva që kur ishte fëmijë, gjithashtu ka treguar se si fëmijë ka mbajtur gjithmonë fanellën e Silvës.
David Silva ka fituar katër tituj të Premierligës dhe 10 trofe të tjerë gjatë kohës që ishte pjesë e City-t.
Për sukseset e Sergio Gomez ka folur gjithashtu edhe drejtori i futbollit të qytetit Txiki Begiristain duke thënë se : “Zhvillimi i Sergio në sezonet e fundit ka qenë shumë mbresëlënës – ai është një mbrojtës i kompletuar me potencial të madh”, raporton BBC.
Begiristain ka shprehur sigurinë e tij ndaj lojtarit Gomez, ku sipas tij Gomez do sjell cilësi dhe shumë fitore.