Sergio Perez siguron pozicionin përpara Ferrarit në Arabinë Saudite

Sergio Perez për herë të parë në karrierën e tij zuri vendin e parë, pasi mundi të dy, Ferrar-it, në kualifikimet për kohën më të shpejtë në Grand Prix-in e Arabisë Saudite.

Shoferi i RedBull-it, fundjavën e kaluar mposhti Charles Leclerc-in, fitues i Grand Prix të Bahrain-it, në momentet e fundit të kualifikimit pasi vendosi kohën prej 0.025 sekonda më shpejt sesa Ferrari.

Carlos Sainz, i cili kishte mbajtur për një kohë të shkurtër pozitën e përkohshme në pole, do të startojë i treti me radhë para Max Verstappen që është i katërti, i cili ishte 0.261 sekonda prapa shokut të tij të skuadrës nga Redbulli.

Rezultati nënvizon sa afër janë formulat e Ferrarit dhe të Redbullit, në këtë fazë të hershme të sezonit, dhe krijon perspektivën e mundësisë për një betejë entuziasmuese midis dy skuadrave që garojnë të dielën.

Kampioni i shtatëfishtë, Lewis Hamilton, nuk pritet të jetë në garë për fitore në Jeddah, pas kualifikimit në vendin e 16-të, derisa starti i dobët i Mercedes-it po vazhdon.

Hamilton, ishte 0,087 sekonda prapa në pjesën e dytë të kualifikimit dhe 0,4 sekonda prapa bashkëlojtarit të tij të skuadrës George Russell, i cilu u kualifikua i gjashti.

Ishte “nokauti” i parë i Hamiltonit në gjysmëcerekun e parë që nga Grand Prix i Brazilit në 2017, ku ai u hodh dhe goditi barrierat. Ai nuk ishte në gjendje ta shpjegonte rënien e tij të performancës nga sesioni i fundit i stërvitjes deri në kualifikim.

“Makina thjesht nuk ishte poshtë meje, në praktikë ishtë në rregull, por nuk mund ta kuptoj këtë”, tha Hamilton. “Krejt papritur ishte e vështirë për të vozitur, më vështirë se kurrë më parë”.

Kualifikimi u pezullua për 57 minuta gjatë cerekut të dytë pasi Mick Schumaher pati një përplasje të keqe në kthesën e nëntë.

Djali i shtatë herë kampionit të botës, Michael Schumaher nuk kishte vetëdije kur makina mjekësore mbërriti në vendin e ngjarjes, edhe pse fizikisht dukej mirë, ai u dërgua në qendrën mjekësore për ta kontrolluar, dhe pastaj për t’u dërguar në spital me anë të helikopterit.

Impakti i përplasjes e theu makinën e Schumaherit në dy pjesë. Nuk është ende e qartë nëse Schumaher do ta fillojë përsëri garën dhe nëse Hass do të ketë mundësi ta rindërtojë një makinë të re në kohë të caktuar. Ai ishte i 14-ti për nga shpejtësia edhe përkudnër aksidentit, por nëse e rinis garën mund të jetë pesë pozita prapa, nëse kutia e shpejtësisë së tij është dëmtuar dhe ka nevojë për zëvendësim.

McLaren bëri disa përparime nga gara e vështirë që patën në fillim në Bahrain ku u kualifikuan në vendin e njëmbëdhjetë dhe dymbëdhjetë. Lando Norris do të startojë përpara shokut të skuadrës Daniel Ricciardo, me Zhou Guanyu në vendin e 13-të në rrjet përpara Schumacher dhe Lance Stroll të Aston Martin.

Krahas Hamiltonit, Alex Albon dhe dhe Nico Hulkenberg nuk arritën të bënin diferencën për cerekun e dytë të garës, derisa Nicholas Latifi u rrëzua në kthesën 13 në xhiron e tij të dytë të fluturimit duke e lënë atë të 19-tin në garë.

Yuki Tsunoda do të startojë i fundit, pasi një problem me sistemin e karburantit në AlphaTauri e tij e kufizoi atë të bënte  vetëm dy xhiro.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Pasi u qëllua me armë, vdes ish-kryeministri japonez, Shinzo Abe

Ish-kryeministri japonez, Shinzo Abe, ka vdekur pasi është qëlluar me armë të premten, përgjatë fushatës për zgjedhjet parlamentare. Abe, 67-vjeçar, i cili njëherësh mbetet kryeministri...

Të shtëna me armë në Cetinë, më shumë se dhjetë...

Të premten e 12 gushtit në Cetinë të Malit të Zi, një 34-vjeçar ka qëlluar me armë në drejtim të disa personave dhe më...

As për 35 vjet qytetarët me rrogë mesatare nuk mund...

Paga mestare në Kosovë sipas Agjencisë së Statistikave të Kosovës (ASK) është 380 euro në sektorin privat, ndërsa ajo e sektorit publik është më...

Të fundit nga rubrika