Serwer thotë se njohja nga 5 vendet e BE-së duhet të jetë pjesë e marrëveshjes Kosovë – Serbi

Politikani amerikan, Daniel Serwer ka thënë se pjesë e marrëveshjes Kosovë-Serbi duhet të jetë njohja e pesë shteteve të BE-së që nuk e kanë njohur Kosovën

Daniel Serwer, profesor amerikan në Universitetin “John Hopkins” në ShBA. Foto: Tanjug

Profesori amerikan dhe njohësi i mirë i rrethanave politike në Ballkan, Daniel Serwer, ka thënë se versioni i fundit i planit franko-gjerman, për normalizimin e marrëdhënieve Kosovë-Serbi është një hap në drejtim të duhur, por që sipas tij i ka disa mangësi në të.

Serwer ka thënë se në të nuk përmendet reciprociteti i Serbisë për komunitetin shqiptar që jeton në territorin e saj.

“Versioni i fundit i planit gjermano-francez për normalizimin e marrëdhënieve mes Kosovës dhe Serbisë, është një hap në drejtimin e duhur, nëse zbatohet plotësisht, por me disa shtesa të dyshimta dhe me elemente të rëndësishme që mungojnë”, ka thënë Serwer.

“Nuk përmendet reciprociteti brenda Serbisë për komunitetin shqiptar. Nuk ceken se cilat kushte do ta rregullonin ‘ndihmën financiare nga Serbia’. Nuk dihet se çfarë do të thuhet me ‘kanalet e drejtpërdrejta të komunikimit me Qeverinë e Serbisë’”, ka vijuar ai.

Ai ka thënë se njohja e pesë shteteve të BE-së që nuk e kanë njohur Kosovën duhet të përfshihet në marrëveshjen e planit evropian ose sipas tij mund të prishet marrëveshja.

“Ajo më e rëndësishmja mungon. Nuk ka asnjë referencë të dukshme për njohjen e Kosovës nga pesë shtetet e BE-së që nuk e njohin atë. Dështimi për të marrë njohjen nga pesë shtetet mosnjohëse është një prishje e marrëveshjes. Ndoshta nuk do të duhej të ishte në tekst, por duhet të ndodhë në mënyrë që Kosova të bindet se normalizimi është i vërtetë. Edhe me ato pesë njohje, kjo marrëveshje nuk do t’i afrohej Traktatit Bazë Gjermano-gjerman, sipas së cilit thuhet se është modeluar. Kjo kishte ndikuar që Republika Federale dhe ajo Demokratike të bëheshin anëtare e Kombeve të Bashkuara. Këtu nuk ka një mundësi të tillë, pasi Rusia do të kërkonte një çmim të papranueshëm”, ka thënë Serwer.

Tutje ai theksoi se ndaj Kosovës është bërë më shumë presion se ndaj Serbisë për shkak se Kosova nuk ka opsion tjetër përpos BE-së dhe NATO-s.

“Presioni mbi Kosovën ka qenë i dukshëm prej kohësh. Është relativisht lehtë t’i bëhet presion një vendi që nuk ka opsion tjetër vetën t’i bashkohet NATO-s e BE-së. Presioni ndaj Serbisë është dukshëm më i vogël. Presidenti Vuçiq ka luajtur një lojë të suksesshme mbrojtëse, duke balancuar Rusinë dhe Kinën kundër BE-së dhe SHBA-së. Por, loja mund të përfundojë tash. Evropianët i kanë bërë ultimatum të ashpër Serbisë, përmbajtja specifike e të cilës është e pasigurt, por e lehtë të imagjinohet”, ka shkruar Serwer.

Serwer ka thënë se emisari i BE-së për dialogun Kosovë – Serbi, Miroslav Lajçak, duhet të bëjë më shumë presion për t’i bindur pesë shtetet mosnjohëse ta njohin Kosovën.

Shija e redaktorit

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Libraria Dukagjini vjen me “BookFest” në Albi Mall

Libraria “Dukagjini” dhe “Albi Mall” kanë bashkuar forcat për një superfestë të librit, me shumë aktivitete e superatmosferë. Për dhjetë ditë me BookFest-in e librarisë...

Arti dhe kultura janë letërnjoftim nacional

Selman Jusufi, i cili ka studiuar Artin dramatik në Universitetin e Prishtinës, nga viti 1973 deri më 1985, ka qenë i angazhuar në Teatrin...

Më të lexuarat

Lajçak ‘befason” thotë se me Kurtin kanë rënë dakord që...

I dërguari i posaçëm i Bashkimit Evropian për dialogun Miroslav Lajçak, ka njoftuar nëpërmjet rrjetit të tij social se është në Kosovë, për të...

Gjendet pa shenja jete një person në Gjakovë

Policia e Kosovës ka njoftuar se është gjetur një person pa shenja jete në shtëpinë e tij në Gjakovë. Në raportin 24-orësh thuhet se njësitë...

Barrikadat, KFOR-i paralajmëron ndërhyrje nëse ato nuk largohen

Efikasiteti i këtyre mjeteve të rënda të KFOR-it është testuar hiç më larg se dy ditë më parë. Ushtrimet e 19 dhjetorit i kanë mundësuar...

Të fundit nga rubrika