Shahini për çmimin tavan të derivateve: I dëmton bizneset, Qeveria duhet t’i publikojë emrat e abuzuesve

Kryetari i AKB-së, Agim Shahini, ka deklaruar se vendimi i Ministrisë së Industrisë, Ndërmarrësisë dhe Tregtisë për çmimin tavan të derivateve, është i dëmshëm për kompanitë e naftës

Agim Shahini

Kryetari i Aleancës Kosovare të Bizneseve (AKB), Agim Shahini, ka thënë se vendimi i Ministrisë së Industrisë, Ndërmarrësisë dhe Tregtisë për çmimin tavan të derivateve, është i dëmshëm për kompanitë e naftës.

Shahini ka thënë se Qeveria s’duhet të marrë vendime pa konsultim paraprak me bizneset në fjalë.

“Qeveria duhet t’i bëjë publike emrat e kompanive që kanë keqpërdor me çmime, e jo të përfshihen të gjitha” ka thënë ai.

“Është një vendim i befasuar, është një vendim që i prek bizneset, pavarësisht që arsyetimi është i Qeverisë dhe Ministrisë të Tregtisë dhe Industrisë se vendimi për përcaktimin e masës me afat 30 ditësh, është një vendim për shkak të disa kompanive të cilat e kanë keqpërdorur situatën. Qeveria duhet të dalë me emra dhe mbiemra kush e ka keqpërdorur dhe qysh e ka keqpërdorur dhe ata të ndëshkohen, jo të ndëshkohen të gjitha kompanitë”, tha Shahini për EO.

Ai ka thënë se për vendime të tilla duhet të ketë negocim, e jo vendime që i përfshijnë të gjitha kompanitë.

“Mendoj që ky vendim është i panegociueshëm, por duhet Qeveria ta negociojë, pra Ministria e Tregtisë dhe Industrisë me naftëtarët me kompanitë veç e veç dhe nuk duhet të bien pre të gjitha kompanitë e keqpërdoruesve të një kompanie apo dy kompanie, pavarësisht kush janë ato, duhet të publikohen, duhet të ndëshkohen dhe jo të ndëshkohen të gjitha kompanitë private, kompanitë e naftëtarëve”, tha Shahini.

Ministria e Industrisë, Ndërmarrësisë dhe Tregtisë (MINT), gjatë ditës së mërkurë, ka marrë vendim që t’i caktojë çmimet e naftës.

Sipas vendimit të marrë nga ministrja Rozeta Hajdari, marzha tregtare maksimale e lejuar e shitjes me shumicë është dy (2) eurocentë për litër, kurse marzha tregtare maksimale e lejuar e shitjes me pakicë është dymbëdhjetë (12) eurocentë për litër.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika