Eksperti i sigurisë, Drizan Shala, në edicionin special të RTV Dukagjinit ka thënë se nuk sheh ndonjë marrëveshje finale nga takimi i kryeministrit Kurti dhe presidentit Vuçiq në Ohër të Maqedonisë së Veriut.
“Më shumë këtë takim e shoh si hapësirë ku palët do të paraqesin kërkesat e tyre, ku tanimë pala kosovare ka kërkuar që pjesë e këtij aneksi të jetë dhe elementi i të pagjeturve”, ka thënë Shala.
“Palët janë duke barrikaduar vetveten, janë të fortifikuara në qëndrimet e tyre sa i përket marrjes së hapit të mëtutjeshëm”, ka thënë tutje eksperti i sigurisë, Shala.
Eksperti i sigurisë ka shtuar se “fortifikim, barrikadim” është qëndrimi që Kosova nuk do asesi që Asociacioni të jetë pika e parë e marrëveshjes franko-gjermane.
“Pala serbe po insiston në vazhdimësi që nuk do të negociohet tutje mbi planin franko-gjerman në qoftë se nuk kanë ndonjë nismë sa i përket zbatimit të Asociacionit të Komunave me Shumicë Serbe”, ka shtuar Shala.