Shanset në La Liga: Real Madrid lufton kundër Mallorca për ta afruar barazimin me Barçën
Raundi i 20-të i Ligës Spanjolle të Futbollit do të shohë një ndeshje emocionuese mes klubit RCD Mallorca dhe Real Madrid, në stadiumin Son Moix në Palma të Spanjës. Ndeshja do të jetë pas humbjes së klubit Mallorca kundër Cadiz-it me rezultat 2-0, e që të dyja skuadrat luftojnë për pikë në kuadër të raundit […]
Raundi i 20-të i Ligës Spanjolle të Futbollit do të shohë një ndeshje emocionuese mes klubit RCD Mallorca dhe Real Madrid, në stadiumin Son Moix në Palma të Spanjës.
Ndeshja do të jetë pas humbjes së klubit Mallorca kundër Cadiz-it me rezultat 2-0, e që të dyja skuadrat luftojnë për pikë në kuadër të raundit të 20-të të La Ligës.
Lufta për pikë mes dy klubeve do të zhvillohet këtë të diel, duke filluar nga ora 14:00.
Klubi Mallorca, aktualisht, është në vendin e 10-të në tabelën e La Liga-s, por nuk mund të jenë shumë të kënaqur, pasi vetëm gjashtë pikë i ndajnë nga zona e rënies.
Real Madridi ka fituar me rezultat 2-0 ndaj Valencias në Bernabeu. Trajneri i klubit, Carlo Ancelotti, mposhti trajnerin Javier Aguirre, në ndeshjet kokë më kokë, duke pasur pesë fitore pa asnjë humbje.
Bardhezinjtë shpresojnë të rrëmbejnë tri pikët, për të afruar diferencën prej pesë pikësh të mbajtur nga FC Barcelona.
Natyrisht, diferenca do të varet nga rezultati i Barcelonës që do të luajë kundër Sevillas në të njëjtë ditë, duke filluar nga ora 21:00.
Në pesë ndeshjet e fundit kundër klubit Mallorca, Real Madridi ka gjetur rrjetën 15 herë me një mesatare prej tri golash në ndeshje.















