Kapiteni i FC Basel, Xherdan Shaqiri, do të mungojë për disa javë pas lëndimit të pësuar në stërvitje, ka konfirmuar klubi zviceran.
Baseli bëri të ditur se Shaqiri nuk do të jetë në dispozicion për ndeshjen e ardhshme ndaj FC Sion, ndërsa rikuperimi i tij pritet të zgjasë disa javë.
Përvojë e ngjashme me lëndimet nuk është e re për Shaqirin, i cili gjatë karrierës ka pasur shpesh telashe me probleme muskulore. Megjithatë, pas rikthimit te Baseli, ai kishte arritur të stabilizojë gjendjen fizike dhe kishte munguar shumë pak, duke qenë një nga lojtarët kyç të skuadrës.
Mungesa e tij pritet të jetë goditje për kampionin në fuqi të Zvicrës, sidomos në një periudhë të rëndësishme të sezonit.