Emisari i SHBA-së për luftën mes Rusisë dhe Ukrainës, Keith Kellogg, ka përkrahur idenë e liderëve evropianë për një armëpushim 30 ditor në luftën mes dy shteteve, shkruan Gazeta Express.
Ai ka thënë se një armëpushim gjithëpërfshirës, ajër, tokë, det dhe infrastrukturor për 30 ditë, do të niste procesin për përfundimin e luftës më të gjatë në Evropë që nga Lufta e II Botërore.
Kellogg ka cituar presidentin amerikan, Donald Trump, i cili në mënyrë të përsëritur ka thënë se vdekjet duhet të ndalen menjëherë.
“Një armëpushim gjithëpërfshirës (ajror, tokësor, detar, infrastrukturor) për 30 ditë do të fillojë procesin për t’i dhënë fund luftës më të madhe dhe më të gjatë në Evropë që nga Lufta e Dytë Botërore. Siç ka thënë vazhdimisht Presidentit Trump , ndaloni vrasjet – tani”, ka shkruar ai.
A comprehensive (air, land, sea, infrastructure) cease fire for 30 days will start the process for ending the largest and longest war in Europe since World War II. As @POTUS has repeatedly said, stop the killing-now. https://t.co/OC49YEFP4P
— Keith Kellogg (@generalkellogg) May 10, 2025