Zëdhënësi i Këshillit të Sigurisë Kombëtare, John Kirby, ka thënë se SHBA-të janë “të hutuara” nga vendimi i kryeministrit izraelit, Benjamin Netanyahu, për të anuluar vizitën e një delegacioni izraelit në Shtëpinë e Bardhë këtë javë pasi SHBA abstenoi.

Siç shkruan BBC, OKB miratoi një rezolutë që bën thirrje për një “armëpushim të menjëhershëm” në Gaza, për herë të parë që nga fillimi i luftës.

“Është një rezolutë jodetyruese, kështu që nuk ka fare ndikim mbi Izraelin dhe aftësinë e tij për të ndjekur Hamasin,” thotë Kirby, duke përsëritur se ajo nuk ndryshon politikën e SHBA-së për konfliktin.

Zyra e Netanyahut “duket se po tregon përmes deklaratave publike se ne kemi ndryshuar disi këtu, nuk kemi ndryshuar – dhe ne duhet të vendosim se cila është politika jonë,” shton Kirby.

I pyetur se si ndikon kjo në marrëdhënien midis Netanyahaut dhe Joe Biden, Kirby thotë se Izraeli mbetet një “aleat i ngushtë dhe një mik” i SHBA-së.