Shtetet e Bashkuara të Amerikës (SHBA) kanë filluar të përdorin bazat ushtarake të Mbretërisë së Bashkuar për të zhvilluar operacione specifike mbrojtëse me qëllim pengimin e Iranit nga lëshimi i raketave në rajon.

Lajmi është konfirmuar nga Ministria e Mbrojtjes e Britanisë së Madhe përmes një njoftimi të publikuar në platformën X.

Ky zhvillim vjen pas disa ditësh kritikash nga presidenti amerikan Donald Trump, i cili kishte shprehur pakënaqësi ndaj Londrës për atë që e kishte cilësuar si nivel të pamjaftueshëm bashkëpunimi nga ana e aleatit britanik.

Sipas komunikatës zyrtare, Mbretëria e Bashkuar ka dërguar gjithashtu në rajon një helikopter të tipit Merlin për të përforcuar aktivitetet e mbikëqyrjes dhe monitorimit.

Në të njëjtën kohë, avionët luftarakë Typhoon dhe F-35 të Forcave Ajrore Mbretërore vazhdojnë të kryejnë patrullime në hapësirën ajrore mbi Qipro, Jordani dhe Katar.